ახალციხეში 22 წლის ბიჭი პოლიციის მოთხოვნის დაუმორჩილებლობისთვის დააკავეს

შემთხვევა 17 დეკემბერს, დღის მეორე ნახევარში მოხდა.

„როგორც ვიცი პარკირების ხაზიდან ოდნავ გვერდზე ყავდა გაჩერებული მანქანა, პატრული მივიდა და საბუთები მოსთხოვა, ჯარიმა რომ დაეწერათ. უარის მიღების შემდეგ მოხდა შელაპარაკება და გადაიყვანეს განყოფილებაში. შვიდ დღეში უნდა გაათავისუფლონ. მეტი არაფერი ვიცი“, - ამბობს დაკავებულის ოჯახის წევრი.

შსს-ს ინფორმაციით, ახალგაზრდა ადმინისტრაციული სამართალდარღვევათა კოდექსის 173-ე მუხლით დააკავეს, რაც სამსახურეობრივი მოვალეობის შესრულებისას, პოლიციის კანონიერი მოთხოვნის დაუმორჩილებლობას ან მის სიტყვიერ შეურაცხყოფას გულისხმობს.

[რობი ზარიძე, ახალციხე]