ჯავახეთის დაცული ტერიტორიები ფართოვდება

მთავარი → სიახლე, საზოგადოება 24.05.2019

ჯავახეთის დაცული ტერიტორიები 5 152 ჰექტარით გაფართოვდება. ნაკრძალში შევა აბულის მთა, საღამოსა და ფარავნის ტბები.

საქართველოს მთავრობამ ჯავახეთის დაცული ტერიტორიების გაფართოების შესახებ კანონპროექტი განიხილა და დასამტკიცებლად პარლამენტს გაუგზავნა.

გარემოს დაცვისა და სოფლის მეურნეობის მინისტრის, ლევან დავითაშვილის განცხადებით, ჯავახეთის რეგიონის განსაკუთრებული მნიშვნელობა მაღალმთის ჭაობების არსებობით არის განპირობებული. ის წარმოადგენს გადამფრენი ფრინველების საიმიგრაციო გზას.

„ჯავახეთის დაცული ტერიტორიების ქსელის გაფართოება ხელს შეუწყობს რეგიონში ეკოტურიზმის განვითარებასა და მოსახლეობის სოციალურ-ეკონომიკური მდგომარეობის გაუმჯობესებას. 2018 წლის მონაცემებით, ჯავახეთის დაცულ ტერიტორიებს 10 000-მდე ვიზიტორი ესტუმრა. დაცული ტერიტორიების ქსელის გაფართოებით, შესაბამისი ეკოტურისტული სერვისების დანერგვა/განვითარებითა და ტურისტული ინფრასტრუქტურის კეთილმოწყობით ტურისტების რაოდენობა მნიშვნელოვანად გაიზრდება“, – განაცხადა მინისტრმა.