გახარია: ბორჯომ-ხარაგაულის ეროვნული პარკი გაფართოვდება

ბორჯომ-ხარაგაულის ეროვნულ პარკი გაფართოვდება ადიგენის მუნიციპალიტეტში და მისი ფართობი 60 ათასიდან 65 ათასი ჰექტრამდე გაიზრდება.

გიორგი გახარიას თქმით, დაცული ტერიტორიების გაფართოებით უნიკალური სახეობების შენარჩუნდება: „აქ კონკრეტულად საუბარია დერეფნების შექმნაზე კავკასიური კეთილშობილი ირმისთვის და კავკასიური არჩვისთვის. ეს უაღრესად მნიშვნელოვანია წითელი წიგნის ნუსხის სახეობების გადარჩენისთვის“.

პრემიერ–მინისტრის განმარტებით, 2020 წელს სოფლის მეურნეობის სამინისტრო დაცულ ტერიტორიებს 100 000 კვ.მ-ით გააფართოებს.

„კიდევ ერთი გადაწყვეტილება, რომელსაც ჩვენ მივიღებთ, ეს არის დაცული ტერიტორიების გაფართოება. 2019 წელს დაცული ტერიტორიების საერთო მოცულობა დაახლოებით 10%-ით გაიზარდა და დღეს ის საქართველოს ტერიტორიის 9,6%-ს შეადგენს, თუმცა ეს არ არის მაქსიმალური მაჩვენებელი და სოფლის მეურნეობის და გარემოს დაცვის სამინისტრო 2020 წელს გეგმავს 100 ათასი მ.კვ.-ით გაზარდოს დაცული ტერიტორიის რაოდენობა.

ჩვენ ვიღებთ გადაწყვეტილებას, ერუშეთის დაცული პარკის შექმნის შესახებ, რომელიც მდებარეობს საზღვრისპირა ზონაში, რაც ძალიან მნიშვნელოვანი იქნება ტრანსატლანტიკური თანამშრომლობისთვის და წითელი წიგნის ნუსხის სახეობების შენარჩუნებისთვის", – განაცხადა სხდომაზე გახარიამ.

[sknews.ge]