გოგაშენი–ვარძიის დამაკავშირებელ გზაზე მეწყერი ჩამოწვა [ფოტო]

გოგაშენი–ვარძიის გზაზე მეწყერი ოთხი დღის წინ, 13 მაისს, საღამოს ჩამოწვა, თუმცა მისი გაწმენდა ამ დრომდე არ დაწყებულა.

ახალქალაქის მუნიციპალიტეტის მერი იური უნანიანი ამბობს, რომ მომხდარის შესახებ გუშინ, 15 მაისს შეიტყვეს:„სამშენებლო კომპანია „ჯავახ ავტოგზას“ ველოდებით და გაწმენდით სამუშაოებს მალე დავიწყებთ, ეს ცენტრალური გზა არ არის და ხელს არავის შეუშლის, ამ პერიოდის განმავლობაში მოსახლეობას შეუძლია ცენტრალური გზით ისარგებლოს“,–აცხადებს ახალქალაქის მერი იური უნანიანი.

ვარძია–გოგაშნის გზაზე მეწყერის ფოტოები სოციალურ ქსელში ერთ–ერთმა ადგილობრივმა გაავრცელა.
გზა, რომელიც დაახლოებით ცხრა კილომეტრია, მუნიციპალური განვითარების ფონდმა 2016-2017 წლებში გააკეთა.





[ლუბა გიორგაძე, ახალქალაქი]