საკირისა და ტაძრისის ტყეში ვერტმფრენმა მუშაობა შეწყვიტა

არქივი
დღეს, 15 მაისს ბორჯომის მუნიციპალიტეტში ცეცხლი ორ ლოკაციაზე, ტაძრისისა და საკირეს მიმდებარე ტერიტორიაზე გაჩნდა. ხანძარი მიუვალ ადგილზეა, ამიტომ ქრობის პროცესში სასაზღვრო პოლიციის ვერტმფრენი ჩაერთო. დღის ბოლოს კი არასაკმარისი ხილვადობის გამო, მუშაობა შეწყვიტა.

ადგილზე რჩებიან მეხანძრე-მაშველები.

როგორც ბორჯომის მუნიციპალიტეტის მერიაში განმარტავენ, „ამ ეტაპზე, სოფელ ტაძრისში ხანძრი ლოკალიზებულია".

საკირესა და ტაძრისის ტყეებში ხანძარი დღის მეორე ნახევარში გაჩნდა. შერეული ტყის მასივში გაჩენილი ხანძრის ჩაქრობას 150–მდე მეხანძრე-მაშველი ცდილობს.

ამ ეტაპზე, უცნობია ტყის რა ფართობია დამწვარი.



[თაკო ფეიქრიშივლი, ბორჯომი]