‘იპოვე შენი თავი, იპოვე შენი უბანი’ - ადიგენის საოლქომ ამომრჩევლებისთვის აქცია გამართა

ადიგენის საარჩევნო ოლქის ინიციატივით ამომრჩევლისთვის აქცია დღეს, 26 აპრილს გაიმართა.

„მოვიარეთ თითქმის ყველა უბანი და მაღაზია, ავუხსენით ადგილობრივებს თუ როგორ უნდა გადაამოწმონ თავიანთი მონაცემები ერთიან ელექტრონულ ბაზაში“, – ამბობს N38 ადიგენის საოლქო საარჩევნო კომისიის თავმჯდომარე ჯაბა მაჭარაშვილი.

მისი თქმით, მსგავსი სახის აქცია აბასთუმანში არჩევნებამდე კიდევ გაიმართება.

აბასთუმანში საკრებულოს შუალედური არჩევნები 19 მაისს გაიმართება, ადგილობრივები N2 უბანზე რეგისტრირებული ცხრა კანდიდატიდან ერთ–ერთს აირჩევენ.

[ლუბა გიორგაძე, ადიგენი]