ასპინძა–ახალქალაქის ცენტრალურ გზაზე კლდეებს მაისში გაასუფთავებენ

ასპინძა–ახალქალაქის ცენტრალურ გზაზე კლდეების ნაწილს შპს „ჯავახ ავტოგზა“ გაწმენდს, ნაწილზე კი, სადაც ალპინისტებია საჭირო, ტენდერს გამოაცხადებენ.

„მაისსა და ივნისში დაიწყება სამუშაოები, ველოდებით გამოდარებას, რომ ფერდი ჩამოშრეს“, – აცხადებენ საავტომობილო გზების დეპარტამენტის საზოგადოებასთან ურთიერთობის სამსახურში.

დეპარტამენტში ამბობენ, რომ ტენდერს აუხლოს დღეებში გამოაცხადებენ.

შეგახსენებთ, რომ აპინძა–ახალქალაქის მიმართულებით თებერვალსა და მარტში ქვათაცვენის რამდენიმე შემთხვევა დაფიქსირდა. ახალქალაქიდან ახალციხის მიმართულებით მოძრავ მიკროავტობუსს ჩუნჩხის ხიდთან კლდიდან ჩამოვარდნილი ლოდი 19 თებერვალს დაეცა, შემთხვევის შედაგად 50 წლის კაცი მძიმედ დაშავდა, ქვათაცვენაში მოჰყვა ახალციხელი გენადი ხატიძეც. გაზაზე მიმავალმის მანქანას ლოდი ასპინძაში, სოფელ ნიჯგორთან ორ მარტს დაეცა.

მომხდარის შემდეგ საავტომობილო გზების დეპარტამენტის გეოლოგებმა ცენტრალურ გზებზე არსებული ვითარება შეისწავლეს და განაცხადეს, რომ კლდეებზე არის გამოფიტული ვულკანური ქანები, რომელიც ალპინისტების ჯგუფმა უნდა ჩამოყაროს.

[თინათინ ზაზაძე, ასპინძა]