სამცხე–ჯავახეთის უნივერსიტეტში წელს სტატუსი 82 სტუდენტს შეუჩერდა

სამცხე-ჯავახეთის სახელმწიფო უნივერსიტეტის წესდების მიხედვით, სტუდენტის სტატუსის შეჩერების საფუძვლებია: სწავლის საფასურის გადაუხდელობა უნივერისტეტის მიერ დადგენილ ვადებში, უცხო ქვეყანის უმაღლეს საგანმანათლებლო დაწესებულებაში სწავლა, სავალდებულო სამხედრო სამსახურში გაწვევა და აკადემიური შვებულება.

სამცხე-ჯავახეთის სახელმწიფო უნივერსიტეტში, მიმდინარე წელს, ყველაზე მეტ, 60 სტუდენტს სტატუსი იურდიულ ფაკულტეტზე შეუჩარდა. ოთხი თებერვლის ბრძანებით, 22 სტუდენტია სტატუსშეჩერებული ბიზნესის ადმინისტრირების ფაკულტეტეტზე. ამავე ბრძანებით, სტატუსი აღუდგა 26 სტუდენტს, მათ შორის იურიდიულ ფაკულტეტზე 11–ს, ინჟინერიის, აგრარული და საბუნებისმეტყველო მეცნიერებათა ფაკულტეტზე - ოთხს, განათლების, ჰუმანიტარული და სოციალურ მეცნიერებათა ფაკულტეტზე - შვიდს, ხოლო ბიზნესის ადმინისტრირების ფაკულტეტზე – ოთხს.

„იმ სტუდენტებისთვის, რომლებსაც სტატუსი სწავლის საფასურის გადაუხდელობის გამო შეუჩერდათ, ჩვენი მხრიდან ხელშეწყობა ისაა, რომ უნივერსიტეტში სწვალის საფასურის გადახდა რამდენჯერმეა შესაძლებელი. თუ სხვა უნივერსიტეტებში თანხას იხდიან აუცილებლად სწავლის დასაწყიში და თანაც მთლიანდ, ჩვენთან ასე არაა. აქ მთელი სემესტრის განმავლობაში შეუძლია სტუდენტს ეტაპობრივად გადახდა“, - ამბობს სამცხე–ჯავახეთის სახელმწიფო უნივერსიტეტის რექტორი მაკა ბერიძე.

მისივე თქმით, თუ სტუდენტი მაინც ვერ ახერხებს სწავლის საფასურის დაფარვას, მას სასწავლებელი შიდა მობილობას ისეთ ფაკულტეტზე სთავაზობს, რომელზეც სწავლას სახელმწიფო აფინანსებს: „გარდა ამისა, ჩვენ შეგვიძლია, რომ სტუდენტის მომართვის შემთხვევაში, კონკრეტულად მისი საქმე ცალკე განვიხილოთ და ალტერნატიულ ვერსიებზე ვიმსჯელოთ. ასევე, ვგეგმავთ საშეღავათო პოლიტიკის გატარებასაც, რომელზეც ახლა ვმუშაობთ“.

სტუდენტური სტატუსის შეჩერების მაქსიმალური ვადა ხუთი წელია, ამ ვადის გასვლის შემდეგ კი პირს სტუდენტის სტატუსი უწყდება.

28 მარტი მონაცემებით, საქართველოს მასშტაბით, სტუდენტის სტატუსი 52 530 ადამიანს აქვს შეჩერებული, რაც სტუდენტთა საერთო რაოდენობის 25%-ია. სტატუსი ფინანსური დავალიანების გამო 17 580 ადამიანს აქვს შეჩერებული, რაც სტატუსშეჩერებული სტუდენტების მთლიანი რაოდენობის 33,5%-ია. ავადმყოფობის გამო სტატუსი - 190–ს, ორსულობის, მშობიარობისა და ბავშვის მოვლის გამო - 259–ს, საზღვარგარეთ სასწავლებლად წასვლის გამო კი - 188 ადამიანს აქვს სტატუსი შეჩერებული.

[თორნიკე ზაზაძე, ახალციხე]