მეეზოვისა და ელექტრიკოსების სარჩელს სასამართლოში ხელახლა დაარეგისტრირებენ

სასამართლოში მეეზოვე დათო ლომიძე, ასევე, ელექტრიკოსები პავლე ათუნაშვილი და ივანე დავიდოვი ჩივიან. სამივე მათგანი, სამსახურში აღდგენას ითხოვენ. შპს "კეთილმოწყობის" თანამშრომლები სამსახურიდან 31 იანვარს გაათავისუფლეს.

„მათი სამსახურიდან გათავისუფლების შესახებ ბრძანება ოთხ თებერვალს ჩამბარდა, შესაბამისად ვადა ამოწურული არ გვაქვს“, – ამბობს ადვოკატი ეკა აბაშიძე.

მისი თქმით, შესწორებული სარჩელი სასამართლოში დღეს დარეგისტრირდება.

ახალციხის რაიონულ სასამართლოში მეეზოვემ და ელექტრიკოსებმა სარჩელი 29 იანვარს შეიტანეს, თუმცა სამართლებრივი ხარვეზის გამო სასამართლომ ის წარმოებაში არ მიიღო.

[თამუნა უჩიძე, ახალციხე]