მანდატურის სამსახურმა 11 წლის ბიჭის საქმეზე ახალციხეში ფსიქოლოგები გამოგზავნა

ფსიქოლოგების ჯგუფი თბილისიდან ახალციხეში, დღეს, 25 მარტს, დღის მეორე ნახევარში ჩამოვიდა. სკოლაში მეექვსეკლასელი ბავშვები მშობლებთან ერთად მივიდნენ.

11 წლის ბიჭის ბებია დაგვთანხმდა, რომ მის შვილიშვილს ჩვენი ფსიქოლოგები ესუაბრონ, ამ ეტაპზე ასე ერთვება მანდატურის სამსახური ამ საქმეში. ასევე, რადგან ამ ამბავს გაგრძელებ მოჰყვა, აუცილებელია რომ გავესაუბროთ ყველას“, – გვითრეს მანდატურის სამსახურში.

სამსახურის თქმით, ფსიქოლოგთა ჯგუფი ახალციხეში მანამდე დარჩება ვიდრე ამისი საჭიროება იქნება.

ახალციხის ერთ–ერთ სკოლაში, მეექვსე კლასელი ბიჭის ბებია და დედა, მასწავლებელსა და მოზარდის თანაკლასელებს ბავშვის მიმართ ბულინგში ადანაშაულებს. ამ საქმეზე მასწავლებელს სკოლის დისციპლინურმა კომიტეტმა დარღვევა დაუდგინა და სახდელიც დააკსირა. მასწავლებელი ბავშვზე ზეწოლას კატეგორიულად უარყოფს, თუმცა, დისციპლინური კომიტეტის გადაწყვეტილების შემდეგ მან კლასი დატოვა. ამის გამო. კლასში ყველა, 14–ვე ბავშვის მშობელი 11 წლის ბიჭს დაუპირისპირდა. დედები ირწმუნებიან, რომ ბავშვი და მისი ბებია ცრუობს, მოზარდი სკოლაში არავის დაუჩაგრავს და ყველაფერი მოგონილია.

11 წლის ბიჭის ბულინგის მიზეზი ის გახდა, რომ მან სკოლაში მომხდარი ჩხუბის დროს პოლიციაში დარეკა. როგორც მეექვსეკლასელი ბიჭის დედა ამბობს, ბავშვზე ზეწოლა ორ თვეზე მეტ ხანს გაგრძელდა, რის შედეგადაც მოზარდს ფსიქიკური პრობლემები შეექმნა.

მეექსვსე კლასელი ჯანმრთელობის მდგომარეობის გაუარესების გამო 18 მარტის შემდეგ სკოლაში არ მისულა.

[მარიამ ბარძიმაძე, ახალციხე]