დაუნის სინდრომის შესახებ სამცხე–ჯავახეთის უნივერსიტეტში შეხვედრა გაიმართა

შეხვედრას სამცხე–ჯავახეთის სახელმწიფო უნივერსიტეტის სტუდენტები და პროფესორები უძღვებოდნენ. ღონისძიებას უნივერსიტეტის თანამშრომლებთან და სტუდენტებთან ერთად ახალციხის ჯანდაცვის ცენტრისა და ადგილობრივი არასამთავრობო ორგანიზაციების წარმომადგენლები ესწრებოდნენ.

„ჩვენი მიზანია ისეთი აქტივობები და ღონისძიებები წავახალისოთ, რომლებიც ხელს შეუწყობს საზოგადოებრივი ცნობიერების ამაღლებას. ასევე, გვინდა, რომ მეტად ჩავრთოთ დაუნის სინდრომის მქონე ბავშვები საზოგადოებრივ ცხოვრებაში. არ გვინდა, რომ ისინი დაჩაგრულები იყვნენ“, – ამბობს დაწყებითი განათლების მერე კურსის სტუდენტი ნათია გურჯიშვილი.

განათლების, ჰუმანიტარულ და სოციალურ მეცნიერებათა ფაკულტეტის დეკანის გულიკო ბექაურის თქმით, დღევანდელი დღე არის როგორც დადებითი, ასევე უარყოფითი ემოციებით დატვირთული: „აუარყოდითი ემოციებით იმიტომ, რომ დაუნის სინდრომის მქონეები არიან ადამიანები, რომლებსაც ერთით ზედმეტი ქრომოსომის გამო ფაქტობრივად გარკვეული პრობლემები ექმნებათ“.

შეხვედრაზე მოწვეული იყო სამცხე–ჯავახეთის ფსიქო-ნევროლოგიური დისპანსერის მთავარი ექიმი ლამარა კიკნაძე: „ჩვენ გვინდა, რომ საზოგადოებას ვასწავლოთ დაუნის სინდრომის მქონე ადამიანებთან ურთიერთობის ფსიქოლოგიური თავისებურებები“, – ამბობს იგი.

შეხვედრა განათლების, ჰუმანიტარული და სოციალურ მეცნიერებათა ფაკულტეტის ორგანიზაებით გაიმართა და დაახლოებით ერთ საათს გაგრძელდა.

[თორნიკე ზაზაძე, ახალციხე]