პრეზენტაცია და აქცია – ახალგაზრდები დაუნის სინდრომის მქონე ადამიანების მხარდასაჭერად

დღის პირველ ნახევარში, დემოკრატ მესხთა კავშირის საკონფერენციო დარბაზში დაუნის სინდრომის შესახებ საინფორმაციო შეხვედრა შედგა. ახლაგაზრდებმა იმსჯელეს რა არის დაუნის სინდრომი და როგორია საზოგადოების დამკიდებულება დაუნის სინდრომის მქონე ადამიანების მიმართ.
ასევე, აჩვენეს ვიდეო რგოლი დაუნის სინდრომის შესახებ.

„ვიდეო იყო დაუნის სინდრომის მქონე ორი პირის შესახებ, რომლებიც თავიანთ ცხოვრების შესახებ გვიამბობდნენ. ამის მეშვეობით გვინდოდა ახალგაზრდებს აღექვა ის, რომ დაუნის სინდრომის მქონე ადამიანები ისევე გრძნობენ და ისევე უყურებენ ყველაგერს, როგორც თითოეული ჩვენთაგანი“ , – ამბობს ხალგაზრდული ცენტრის წარმომადგენელი ლილი ზაზაძე.

დღის მეორე ნახევარში ახალგაზრდებმა ახალციხის ცენტრალურ პარკში გადაინაცვლეს და ფერადი წინდებით დაუნის სინდრომის პირების მიმართ სოლიდარობა გამოხატეს.

შეგახსენებთ, 21 მარტი დაუნის სინდრომის საერთაშორისო დღეა. ამ დღეს, ადამიანები, რომლებსაც აქვთ დაუნის სინდრომი, ასევე ისინი ვინც მუშაობენ და ცხოვრობენ მათთან ერთად, ერთიანდებიან და მართავენ ღონისძიებებს, რომელთა მიზანია საზოგადოების ცნობიერების ამაღლება და დაუნის სინდრომის მქონე ადამიანთა უფლებების დაცვა.

[ლუბა გიორგაძე, ახალციხე]