ახალციხის გამგეობაში საახალწლოდ 57 540 ლარის პრემია გაიცა

ახალციხის მუნიციპალიტეტის გამგებელმა პრემია 2 650 ლარი მიიღო, პირველმა მოადგილემ 2150 ლარი, მოადგილემ კი –1300 ლარი.

სამსახურის უფროსებზე პრემია 1000 ლარის ოდენობით გაიცა. განყოფილების უფროსებზე 800 ლარი. ყველაზე ნაკლები 475 ლარი გაიცა ორ თანამშრომელზე: გამგებლის წარმომადგენლებზე: ფერსისა და მინაძის ადმინისტრაციულ ერთეულებში.

ჯამში, ახალციხის მუნიციპალიტეტის გამგეობამ პრემია 74 თანამშრომელზე გასცა, აქედან 66 შტატიანი თანამშრომელია, დანარჩენი 8– კი ხელშეკრულებით ჰყავთ აყვანილი.

პრემიებისთვის ადგილობრივი ბიუჯეტიდან 57 540 ლარი დაიხარჯა.

[თინათინ ზაზაძე, ახალციხე]