ახალქალაქში 9 აპრილის მემორიალის დადგმაზე ტენდერი ხელახლა გამოცხადდა

ტენდერი 14 თებერვალს, იგივე თანხაზე, 42 589 ლარზე გამოცხადდა და წინადადებების მიღება ორ მარტს დაიწყება.

მემორიალი ახალქალაქში მდებარე პატარა სკვერში დაიდგმება.

„ნინოწმინდისკენ მიმავალ გზაზე, ვიდრე ქალაქიდან გახვალ პატარა სკვერი გვაქვს, იქ გვინდა რომ დავდგათ მემორიალი, შარშანაც გვქონდა გამოცხადებული ტენდერი, მაგრამ ჩაიშალა“, – ამბობს ახალქალაქის მერი იური უნანიანი.

მემორიალის ძეგლის დადგმის თხოვნით ახალქალაქის მერიას, ახალქალაქისა და კუმურდოს ეპარქიაში დეკანოზმა ალექსანდრე ქასრაშვილმა მიმართა.

[მარიამ ბარძიმაძე, ახალქალაქი]