ადიგენის დამეწყრილ სოფლებამდე ახალი გზის გასაყვანად ტენდერი გამოცხადდა

საპროექტო დოკუმენტების მოსამზადებლად ტენდერი 7 627 ლარზე გამოცხადდა. წინადადებების მიღება ორი მაისიდან დაიწყება.

ახალი გზის გასაკეთებლად დაახლოებით 300 000 ლარია საჭირო.

შეგახსენებთ, რომ ადიგენში, დერცელის და კიკიბოს გზაზე მეწყერი 26 მარტს ჩამოწვა. მეწყერი გზის კიდევ ოთხ მონაკვეთზეა გააქტიურებული. მიუხედავად საშიშროებისა ორი სოფლის მოსახლეობა, ამ გზით მაინც სარგებლობს, რადგან ალტერნატიული გზა არ აქვთ.

გეოლოგიური დასკვნის მიხედვით, დამეწყრილი ტერიტორიის სიგრძე 100 მეტრია, ხოლო სიგანე 40–55 მეტრი.

[თინათინ ზაზაძე, ადიგენი]