ასპინძის სოფლებში გაზიფიცირების სამუშაოებზე ტენდერი გამოცხადდა

შპს საქართველოს გაზის ტრანსპორტირების კომპანიის მიერ გამოცხადებული ტენდერის მიხედვით, გაზიფიცირებისთვის საჭირო გაზსადენის მშენებლობა ასპინძის ექვს სოფელში: იდუმალაში, ორგორაში, ოშორაში, საყუდაბელში, ძველსა და ჭობარეთში დაიწყება.

ტენდერის 9 ივლისს გამოცხადდა, რომლის ღირებულება 1 576 296 ლარია, წინადადებების მიღება 25 ივლისს დაიწყება.

გარდა ასპინძის მუნიციპალიტეტისა, სამცხე-ჯავახეთის სამხარეო ადმინისტრაციის ინფორმაციით, მიმდიმარე წელს გაზიფიცირება დაიწყება ახალციხისა და ადიგენის კიდევ 12 სოფელში. ამ მუნიციპალიტეტებისთვის ტენდერი ჯერ არ გამოცხადებულა.

„აგვისტო-სექტემბრის დასაწყისში სამუშაოებზე ხელშეკრულება გაფორმდება, ტენდერი უნდა გამოცხადდეს. სამივე მუნიციპალიტეტზე ასეთი სიტუაცია იქნება“, - აცახდებს სამცხე-ჯავახეთის სამხარეო რწმუნებულის პირველი მოადგილე შალვა ბერძენიშვილი.

[თაკო ფეიქრიშვილი, ასპინძა]