სურბ სარქისობის აღსანიშნავად ახალციხეში საზეიმო მსვლელობა მოეწყო [Video]

დღეს, 15 თებერვალს, სომხური სამოციქული ეკლესიის მრევლმა მოწამე სარქისის ხსენების დღის აღნიშვნა საზეიმოდ დაიწყო. მათ სიმღერითა და გალობით ქალაქის ქუჩები შემოიარეს, მრევლს წინ ცხენზე ამხედრებული კაცი მიუძღვოდა, რომელიც მრევლის თქმით, სარქისს განასახიერებდა. ადგილობრივები ამბობენ, რომ „ეს სურბ სარქისობის დაწყების ცერემონიაა“.



რიტუალური მსვლელობა მრევლმა ახალციხეში გრიგოლ განმანათლების სახელობის ეკლესიის ეზოდან 16:00 საათისთვის დაიწყო და სოფელ საძელის ტაძრის მოლოცვით დაასრულა.

სურბ სარქისი ახალგაზრდა შეყვარებულების მფარველად მიიჩნევა. სურბ სარქისობას წინ ხუთდღიანი მარხვა უძღვოდა, დღესასწაულის წინა ღამით ახალგაზრდები მარილიან კვერს მიირთმევენ და სიზმარში საქმროს ან საცოლის გამოცხადებას ელდებიან.

ვისაც სიზმარში საბედოს ნახვა სურს, მარილიანი კვერები დღეს, 15 თებერვალს ღამით უნდა შეჭამოს. ხვალ, 16 თებერვალს, დილით კი სომხურ სამოციქულო ეკლესიებში სადღესასწაულო წირვა აღევლინება.





[ავთო ინასარიძე, ახალციხე]