თურქეთის მოქალაქეებს აღკვეთის ღონისძიებად პატიმრობა შეეფარდათ

ახალციხის რაიონულმა სასამართლომ გადაწყვეტილება დღეს, 23 თებერვალს გამოიტანა. მოსამართლემ პროკურატურის შუამდგომლობა დააკმაყოფილა. 30 და 26 წლის ბრალდებული მამაკაცები დანაშაულს აღიარებენ.

მათ ბრალი საზღვრის უკანონო კვეთაში, სსკ–ის 344–ე მუხლით ედებათ.

ადვოკატის მარინა ფილაურის განცხადებით, მათ ხუთი სული საქონელი საქართველოში იყიდეს და თურქეთში მიჰყავდათ.
„ახალციხის რაიონული სასამართლოს გადაწყვეტილებას გავასაჩივრებთ“, – ამბობს ფილაური.

შეგახსენებთ, რომ სამართლადამცავებმა თურქეთის ორი მოქალაქე საზღვრის უკანონო კვეთის ბრალდებით 21 თებერვალს ღამით დააკავეს.

[თამუნა უჩიძე, ახალციხე]