წნისში ყაჩაღობაში ბრალდებულებს აღკვეთის ღონისძიებად პატიმრობა შეეფარდათ

ახალციხის რაიონულ სასამართლოში პროცესი დღეს, 29 ივნისს გაიმართა. მოსამართლე მარიკა ჩიტაშვილმა პროკურორის კახა ლეკიშვილის შუამდგომლობა დაკმაყოფილა და ორივე ბრალდებულს ა.ს–ს და რ.მ–ს პატიმრობა შეუფარდა.

ა.ს–ს ადვოკატი ნუგზარ სამარჯიშვილი ბრადებულების გათავისუფლების სანაცვლოდ გირაოს შეფარდებას ითხოვდა, თუმცა ეს შუამდგომლობა მოსამართლემ არ გაითვალიწინა.

მისი თქმით, დაყაჩაღება გაუცნობიერებლად მოხდა:"რ.მ–მა ნაცვლად იმისა, რომ გაქცეულიყო სასწრაფო სამედიცინო დახმარებას დაურეკა და პოლიციას ჩაბარდა, ნებაყოფლობით ჩაბარდა მეორე ბრალდებული ა.ს–ც".

წინასასამართლო სხდომა 15 აგვისტოს 14:00 საათზე ჩაინიშნა.

შეგახსენებთ, რომ ორმა პირმა ახალციხეში, სოფელ წნისში, ბენზინგასამართი სადგური „არალი“ დააყაჩაღა, ოპერატორი დაჭრა და 2 500 ლარი გაიტაცა . შემთხვევა 27 ივნისს, გამთენიისას, 05:45 საათზე მოხდა.

შსს-მ ახალციხეში მომხდარი ყაჩაღობის ფაქტი ცხელ კვალზე გახსნა. სამართალდამცველებმა ა.ს. მომხდარიდან რამდენიმე საათში, ქალაქ ვალეში დააკავეს, რ.მ. კი ახალციხეში - სასამართლოს განჩინების საფუძველზე.

გამოძიება ყაჩაღობის ფაქტზე მიმდინარეობს (საქართველოს სსკ-ს 179-ე მუხლის 1-ლი ნაწილით).

[sknews.ge]