ტარიელ ნაკაიძემ დაკავებულების გათავისუფლების პირობა მიიღო

„ჩვენ გვქონდა შეხვედრა პოლიციის თანამშრომლებთან და გვითხრეს, რომ დაკავებულების გათავისუფლება სამართლებრივი პროცედურების დაცვით მოხდება. ერთ-ერთი დაკავებული არასრულწლოვანია, მასთან მშობელი შევიდა და მას მალე გამოუშვებენ. პირველ ეტაპზე რამდენიმეს გამოუშვებენ, დანარჩენებსაც მალევე,მე ამის პირობა მივიღე“,- ამბობს ქართველ-მუსლიმთა კავშირის თავმჯდომარე ტარიელ ნაკაიძე.

ნაკაიძის ინფორმაციით დაკავებულებს ჯანმრთელობის პრობლემები აქვთ.

"ეს სიტუაცია ამძაფრებს ჩვენი ქვეყნის უმწიფრობას, რომ გულთან ახლოს მიიტანოს ჩვენი ქვეყნის ყველაზე დიდი სადარდებელი, ჩვენი ქვეყნის ტკივილი. შევხვდი პოლიციის წარმომადგენლებს,ვფიქრობ,რომ ისინი გულწრფელნი იყვნენ,რომ ისინი აკეთებენ იმას, რისი გაკეთებაც შეუძლიათ.ეს პრობლემა პოლიციის გადასაწყვეტი არ არის. ეს არის პოლიტიკური პრობლემა და მას სჭირდება პოლიტიკური გადაწყვეტა.ეს ხალხი,რომელიც აქ მოვიდა, აღშფოთებული ელის, რომ ხელისუფლება ყურს დაუგდებს. ეს ხალხი პოლიციასთან სალაპარაკოდ არ არიან მოსულები,არამედ უმაღლეს ხელისუფლებასთან და ხელისუფლებამ თუ მათი გულისტკივილი ვერ გაიგო, რაღათქმა უნდა ეს პროცესი, ეს მოვლენა იქნება ჩვენი ქვეყნის ისტორიაში ერთ-ერთი სამარცხვინო და თავზარდამცემი", - განაცხადა საქართველოს ევანგელურ-ბაპტისტური ეკლესიის მთავარეპისკოპოსმა მალხაზ სონღულაშვილმა.

შეგახსენებთ, სამმართველოში 9 დაკავებული რჩება.

[sknews.ge]