ფრიდონ აბაშიძე: გვითხრეს, თუ არ იხმაურებთ, ამ ბიჭებს გამოვუშვებთო

ფრიდონ აბაშიძე ამბობს, რომ სამმართველოდან მაჟორიტარი დეპუტატის ზურაბ ჩილინგარაშვილის შუამავლობით შემოუთვალეს, ვითარების დაძაბვას მოერიდნონ.

„დეპუტატმა გვითხრა, რომ თუ ჩვენ ბევრს არ ვიხმაურებთ, თუ არ შემოგვიერთდებიან მუსლიმი ქართველები წალკიდან და ხულოდან, იმ შემთხვევაში ბიჭებს ხვალ შუადღეს გაათავისუფლებენ. თუ არა და თითოეულ მათგანს 6-წლიან პატიმრობას მიუსჯიან“, - ამბობს იგი.

მისივე თქმით, ვიდრე ყველა დაკავებულს არ გაათავისუფლებენ, შეკრებილები დაშლას არ აპირებენ: „არსად წავალთ, მაგრამ, აქვე, გვინდა იცოდეს ყველამ, რომ ჩვენც გვყავს პატრონი და თუ აუცილებელი გახდება, ყველა გამოგვეხმაურება. შსს-ს არ უნდა ეკადრებინა და ჩვენთვის, მუსლიმი ძმებისთვის ეს არ უნდა გაეკეთებინა“.

[sknews.ge]