ბორჯომში ხელოვნური ნაძვის ხე პირველად შეიძინეს – მერიამ 83 000 ლარი გადაიხადა

ბორჯომში, ქალაქის მთავარი საახალწლო ნაძვის ხე 24 დეკემბერს რუსთაველის მოედანზე გაანათეს. ნაძვის ხის გარშემო შეკრებილი პატარების განწყობაზე ადგილობრივმა შემსრულებლებმა, თოვლის ბაბუამ და ჯამბაზებმა იზრუნეს. პატარებმა მათთან სამახსოვროდ ფოტოები გადაიღეს და საჩუქრად ტკბილეული მიიღეს. ღონისძიება ფოიერვერკით დასრულდა.

ბორჯომის მერიას ქალაქში საახალწლო მოწყობილობებისა და ღონისძიებების გამართვა 100 083 ლარი უჯდება. თვითმმართველობამ ტენდერი ორ ეტაპად გამაოცხადა. პირველ ეტაპზე შპს „დანდმა“ 83 303 ლარით მოიგო, ამ თანხაში შედიოდა ნაძვის ხის შესყიდვაც, მეორე ეტაპზე კი შპს „ჯეო სტრიმმა“ 16,780 ლარით ქალაქში მანათობლები მოაწყო.

[თამუნა უჩიძე, ბორჯომი]