პრემიერი: 580 ათასზე მეტი ადამიანი 'შავი სიიდან' უკვე ამოღებულია

მამუკა ბახტაძემ წლიური ანგარიშის წარდგენისას კიდევ ერთხელ ისაუბრა ჭარბვალიანობაზე. ბახტაძის თქმით, ქვეყნის მთავარი გამოწვევა სიღარიბეა, რომელიც იმ არასამართლიანი თამაშის წესებით არის გამოწვეული, რაც 2007 წელს ყოფილმა ხელისუფლებამ მიიღო. მისი თქმით, სწორედ 2007 წელს მიღებული გადაწყვეტილება იქცა ჭარბვალიანობის პრობლემის სათავედ: "ეს იყო ერთ-ერთი პირველი, რისი ცვლილებაც ჩვენ დავიწყეთ. დიახ, ჩვენ გვჭირდება ახალი ეკონომიკური მოდელი, რომელიც ორიენტირებული იქნება ისეთი ტიპის ეკონომიკურ ზრდაზე, რომელიც შეეხება საქართველოს თითოეულ მოქალაქეს, თითოეულ ქართულ ოჯახს".

ბახტაძის განცხადებით, მისი მთავრობის პირობებში დაინერგა ისეთი ეკონომიკური მოდელი, რომელიც მომავალში გამორიცხავს მოქალაქეების არასამართლიანად მოხვედრას ე.წ. შავ სიაში.

პრემიერ-მინისტრმა მოქალაქეებისთვის ვალების ჩამოწერის შესახებ 19 ნოემბერს განაცხადა. ბახტაძის თქმით, პროექტის ღირებულება სულ 1,5 მილიარდი და სრულ ღირებულებას ფონდი "ქართუ" დაფარავს.

[sknews.ge]