ასპინძელი კაცი, რომელიც ღამეს თბილისის ქუჩებში ათევს, დახმარებას ითხოვს

შუახნის კაცი თბილისის ქუჩებში თვეზე მეტია რაც გამოჩნდა. ამბობს, რომ თავშესაფარი არ აქვს და ღია ცისქვეშაა. იგი წარმოშობით დაბა ასპინძიდანაა, აქ როგორც ადგილობრივები გვიხსნიან მას სახლი აქვს, თუმცა ავარიულია, ოჯახისწევრები კი წლების წინ გარდაეცვალა.

„ზუსტად არ ვიცით როდის წავიდა. მისი ეზო მოუვლელია და ბალახია ამოსული, არც სახლია კარგ მდგომარეობაში. ძალიან გაჭირებული ოჯახია, მისი დედა მუნიციპალიტეტმა დაკრძალა, თვითონ ავადაა, როგორც ვიცი ფსიქიკური პრობლემები აქვს“, – ამბობს მეზობელი.

შუახნის კაცს თავად საუბარი არ სურს. ასპინძის მერიაში კი აცხადებენ, რომ მის შესახებ იციან და მზად არიან იმ სოციალურ პროგრამაში ჩართონ, რომელიც მუნიციპალიტეტში ხორციელდება : „მუნიციპალიტეტს რაც შეუძლია გააკეთებს, უბრალოდ ეს ადამიანი წლებია წასულია. უსახლკარო ნამდვილად არაა, სახლი აქვს“, – ამბობს ასპინძის მერი როსტომ მაგრაქველიძე.

შუახნის კაცი ამბობს, რომ ის ასპინძაში ვერ იცხოვრებს, რადგან მის კუთვნილ სახლში ცხოვრება შეუძლებელია და ამიტომ ხელისუფლებას დახმარებას სთხოვს.

თბილისის მუნიციპალიტეტის მერიაში აცხადებენ, რომ უსახლკარო ადამიანებისთვის თავშესაფარი აქვთ, სადაც ამ პიროვნებას ცხოვრება შეუძლია.

„განცხადება უნდა დაწეროს და ამის შემდეგ შეძლებს ისარგებლოს ამ სერვისით. იქ არის სითბო და საჭმელი, უბრალოდ მან თავის მოვლა თვითონვე უნდა შეძლოს“, – გვითხრა თბილისის მერიის საზოგადოებასთან ურთიერთობის სამსახურის წარმომადგენელმა მანანა თოქმაჯიშვილმა.

[თინათინ ზაზაძე, ასპინძა]