FM97.5 / LIVE

ცხოვრება ავარიულ სახლში

მთავარისიახლე, საზოგადოება 13.09.2019
ასპინძის მუნიციპალიტეტის, სოფელ გულსუნდაში 71 წლის მერი გორგაძე, 17 წლის ვაჟთან ერთად ცხოვრობს. მათი საცხოვრებელი სახლი ავარიულია. ორსულიანი ოჯახის შემოსავალი კი მოხუცის პენსიაა.

ცხოვრება ავარიულ სახლში

„ფიჩხზე ვიყავი ზემოთ, კლდეებზე. კოწახურის ხეებს, ხმელი ტოტები აქვს და ის ჩამოვიტანე. „ფეჩი“ უნდა დავანთო, საჭმელი მაქვს გასაკეთებელი. გაზს ვერ ვყიდულობ, სად მაქვს მაგის საშუალება“, – გვითხრა 71 წლის მერი გორგაძემ, როცა მას ვესტუმრეთ და საუბარი დავიწყეთ.

მერი გორგაძეს მეუღლე 16 წელია რაც გარდაეცვალა.

„ჩემს ქმარს მეზობელმა უთხრა დენია გასაკეთებელიო, მომეხმარეო. ბოძზე ავიდა, დენი გამორთული იყო, მერე გაუფრთხილებლად ჩართეს და დენმა დაარტყა. ასე მომიკვდა“, – იგონებს 16 წლის წინანდელ ამბავს მოხუცი და ნერვიულობს.

მერი გორგაძე რვა შვილის დედაა. ახლა სახლში მხოლოდ ერთ შვილთან ერთად ცხოვრობს.

„სამი ბიჭი მყავს და ხუთი გოგო. ყველას თავის ოჯახი ჰყავს, თავის გასაჭირი აქვთ. მე და ჩემი ნაბოლარა პენსიით ვცხოვრობთ. ბიჭმა ახლა საგზაოში დაიწყო მუშაობა. ხან დადის ხან არა. ხელფასიც გამომუშავებით ექნება“, – ამბობს ის.

გორგაძეების საცხოვრებელი სახლი ავარიულ მდგომარეობაშია. სახურავი დამტვრეულია. კედლები გახსნილია. ხის იატაკი მოძრაობს.

„გვიჭირს, სახლი გვენგრევა. ახლა წვიმა ჩამოდის. დამსკდარია კედლებიც. მოდით, ნახეთ, „პოლი“ რანაირად ყანყალებს“, – გვეუბნება სახლის დიასახლისი.

მერი გორგაძე ამბობს, რომ თუ სახლს დროულად მდებარეობა არ შეუცვალა და არ გადმოიტანა ეზოს მეორე მხარეს, ვაკე ადგილზე, შეიძლება შენობა დაინგრეს.

„დიქტი მქონდა ზემოთ აკრული, ახლა ნესტისგან ჩამობერილია, როდემდე გაძლებს არ ვიცი. წვიმა ხომ ჩამოდის და შეიძლება ზამთარს ვერ გაუძლოს, დაინგრეს. რამდენჯერმე დავწერე განცხადება და მთავრობას მივმართე დასახმარებლად. შემოწმებაზეც იყვნენ, მაგრამ არავინ არაფრით არ დამეხმარა. პენსიით აბა რას გავაკეთებ“, – გვითხრა მერი გორგაძემ.

ასპინძის მერიის ინფრასტრუქტურის სამსახურის უფროსი, ანზორ ალელიშვილი კონკრეტულად რომელ ოჯახზეა საუბარი ვერ იხსენებს. თუმცა მისი განცხადებით თუ საცხოვრებელი სახლი ბუნებრივი კატაკლიზმების გამო არის ავარიულ მდგომარეობაში მაშინ შეძლებენ დახმარებას.

[გულო კოხოძე, ასპინძა]


24.10.2020 პროექტი 'ევროპული სწავლების სამკუთხედი' ახალციხის სკოლებში

23.10.2020 ახალციხის 9 ბაღში სწავლა 4 დღით შეწყდება

22.10.2020 კორონავირუსის გამო ახალქალაქის 2 სკოლაში დისტანციურად სწავლობენ

22.10.2020 კორონავირუსის გამო ნინოწმინდის 4 სკოლაში დისტანციურად სწავლობენ

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

26.10.2020 ‘ენზელ მკოიანის აქტივისტმა დამარტყა’ – სამველ მანუკიანი ახალქალაქში მომხდარ ინციდენტზე

26.10.2020 ‘გადაუხდელობის გამო, ბუნებრივი აირის მიწოდება არ შეწყდება’ – ‘ინტერგაზი’

25.10.2020 ბორჯომ–ხარაგაულის ეროვნული პარკი „Welcome To Georgia“– ს დაჯილდოებაზეა ნომინირებული

24.10.2020 სამცხე–ჯავახეთში უქმე დღეებში თბილი და მზიანი ამინდია მოსალოდნელი

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

21.10.2020 SKამბები: მოხუცების სოფელი [აუდიო]

14.10.2020 SKამბები: აბასთუმანი – ხაბაზთუმანი [აუდიო]

10.10.2020 როცა ბუნების გესმის – მეტყევე ძმები ბორჯომიდან [ვიდეო]

07.10.2020 SKამბები: წნისი თუ წინისი [აუდიო]

მსგავს თემაზე

კოთელიაში მარტოხელა დედა ავარიულ სახლში ცხოვრობს [ფოტო]
ბოგაში მცხოვრები გორგაძეები ახალციხის მერიას დახმარებას სთხოვენ
მუგარეთში ხაჩიძეების ცხრასულიან ოჯახს სახლი ენგრევა [ფოტო]
უტყისუბანში მრავალშვილიანი ოჯახი უკიდურეს გაჭირვებაში ცხოვრობს
ასპინძელი კაცი, რომელიც ღამეს თბილისის ქუჩებში ათევს, დახმარებას ითხოვს
'ჭერი თავზე გვენგრევა' - სოციალურად დაუცველი ოჯახი მერიის დახმარების მოლოდინში
ხუთი შვილით უსახლკაროდ