19,1%-მა არ იცის რა მომსახურებას ეწევა ადგილობრივი ხელისუფლება

„მოსახლეობის ინფორმირებულობისა და ჩართულობის კვლევის თანახმად“, რომელიც მიმდინარე წელს, 10 ივნისიდან, 15 ივლისამდე პერიოდში ჩატარდა, თვითმმართველობის წევრების საქმიანობით (გამგებელი, საკრებულოს თავმჯდომარე, საკრებულოს წევრი, სოფლის რწმუნებული, ადგილობრივი ხელისუფლება და ა.შ), გამოკითხულთა უმეტესობა (თითქმის, 40%) არც კმაყოფილია, არც უკმაყოფილო.

გამოკითხულთა 61,5% ამბობს, რომ თავისი სოფლის საქმეებით ძალიან დაინტერესებულია.

გამოკითხულთა უმეტესობამ (44,5%) მეტნაკლებად იცის როგორ შეუძლია ჩაერთოს ადგილობრივი პრობლემის გადაჭრის და გადაწყვეტილების მიღების პროცესში; 15,2%-მა საერთოდ არ იცის; კარგად იცის, მხოლოდ 20,1%-მა.

16,2% საერთოდ არ იცის როგორ დაუკავშირდეს ადგილობრივი ხელისუფლების წარმომადგენელს. მეტ-ნაკლებად იცის 34,6%-მა და კარგად იცის - 25,7%-მა.

რა მომსახურებას ეწევა ადგილობრივი ხელისუფლება კარგად იცის მხოლოდ 14%-მა; 37,5%-მა მეტნაკლებად იცის, 19,1%-მა კი საერთოდ არ იცის.

შეგახსენებთ, აღნიშნული კვლევა „დემოკრატ მესხთა კავშირის“ ბაზაზე არსებული „ახალგაზრდული საკრებულოს“ ახლგაზრდებმა ჩაატარეს. ახალგაზრდებმა ახალციხის მუნიციპალიტეტის 18 სოფელსა და ორ ქალაქში: ახალციხესა და ვალეში 1913 რესპონდენტი გამოკითხეს. ამათგან, 42% ქალი, 52% მამაკაცი.



[sknews.ge]