NDI: ახალციხეში გამოკითხულთა ნახევარი მერიისა და საკრებულოს მუშაობით კმაყოფილია

ახალციხეში, მაგალითად, გამოკითხულთა 59% მიიჩნევს, რომ ადგილობრივი მთავრობა ახორციელებს მისთვის მნიშვნელოვან ცვლილებებს, 36% ფიქრობს, რომ არ ახორციელებს, 4% კი ამბობს, რომ არ იცის.

რაც შეეხება საკანონმდებლო და აღმასრულებელ ორგანოებს, ახალციხეში საკრებულოს მუშაობით კმაყოფილია გამოკითხულთა 52%, მერიის მუშაობით კი კმაყოფილია გამოკითხულთა 53%.





ამავე დროს, ამ გამოკითხულთა უმეტესობა ამბობს, რომ ბოლო 12 თვის განმავლობაში ამ ორგანოებთან შეხება არ ჰქონია. მაგალითად, საკრებულოსთან შეხება არ ჰქონია გამოკითხულთა 86%–ს და მერიასთან შეხება არ ჰქონია, გამოკითხულთა 67%–ს.




იმ 21%–დან, ვისაც ჰქონია შეხება მერიასა და საკრებულოსთან, 89% ამბობს, რომ ადგილობრივ ხელისუფლებაში მომუშავე ხალხი პატივისცემით მოექცა, 69% ფიქრობს, რომ ისინი კომპეტენტურები არიან და 59% ამბობს, რომ დაეხმარნენ პრობლემის გადაჭრაში.



გამოკითხვა 2016 წლის 4 ნოემბერი-4 დეკემბრის პერიოდში, საქართველოს მასშტაბით 3,141 პირისპირ ინტერვიუს წარმომადგენობითი შერჩევის საფუძველზე, ქვეყნის ქართულ, სომხურ და აზერბაიჯანულენოვან მოსახლეობას შორის ჩატარდა (ოკუპირებული ტერიტორიების გამოკლებით). კვლევაში საშუალო ცდომილების ზღვარი არის +/- 1,8%. NDI-ის კვლევებს აფინანსებს შვედეთის საერთაშორისო თანამშრომლობის განვითარების სააგენტო (Sida) და ატარებს CRRC-საქართველო.

[ნინო ნარიმანიშვილი, ახალციხე]