მერების მუშაობას ძალიან კარგად 2% აფასებს – NDI

ფოტო: ახალციხის მუნიციპალიტეტის საკრებულო

კითხვაზე როგორ აფასებთ ლიდერებისა და ინსტიტუტების საქმიანობას, სადაც სხვა ინსტიტუტებთან ერთად იგულისხმება, რეგიონებში საკრებულოებისა და მერების საქმიანობა, მოსახლეობის 2% ფიქრობს, რომ თავიანთი მერი ძალიან კარგად მუშაობს.

მერების მუშაობას, უბრალოდ კარგად აფასებს მოსახლეობის 26%, 34% პროცენტი ფიქრობს რომ მერები საშუალოდ მუშაობენ, ხოლო 16% ფიქრობს, რომ ცუდად. მოსახლეობის 18% პროცენტმა კი საერთოდ არ იცის მერის მუშაობის შესახებ.

რაც შეეხება საკრებულოებს, მათ მუშაობას მოსახლეობის 3% პროცენტი ძალიან კარგად აფასებს, უბრალოდ კარგად აფასებს 24%, ხოლო საშუალოდ 36%.

მოსახლეობის 17% აზრით საკრებულო ცუდად მუშაობს, ხოლო 16%–მა საერთოდ არ იცის საკრებულოს მუშაობის შესახებ.

NDI-ის კვლევის საველე სამუშაოები 13-დან 29 ივლისამდე პერიოდს მოიცავს. სულ კვლევაში შედის 2132 დასრულებული ინტერვიუ და კვლევის საშუალო ცდომილება არის 1.7%. კვლევა ჩატარებულია NDI-ის დაკვეთით CRRC - საქართველოს მიერ. კვლევა ხორციელდება დიდი ბრიტანეთის მთავრობის UK aid -ის ფინანსური ხელშეწყობით.

[sknews.ge]