NDI-ს კვლევა – როგორ აფასებენ პარლამენტის მუშაობას

NDI-ს კვლევის მიხედვით, გამოკითხულთა 48% ფიქრობს, რომ პარლამენტს აქვს გავლენა ქვეყნის საგარეო პოლიტიკასთან დაკავშირებულ საკითხებზე. 20% ამ მოსაზრებას არ ეთანხმება, 32%–მა კი არ იცის.

გამოკითხულთა 43% მიიჩნევს, რომ პარლამეტი ზედამხედველობას უწევს მთავრობის საქმიანობას, 29% ამ მოსაზრებას არ იზიარებს, 28%–მა არ იცის.

გამოკითხულთა 37% აცხადებს, რომ პარლამენტი ამტკიცებს კანონებს, მისთვის მნიშვნელოვანი საკთხების შესახებ, 48% ამბობს, რომ ამას ეთნახმება, 14%–მა არ იცის;

რაც შეეხება შეკითხვას, სურვილის შემთხვევაში ადვილად შეხვდებიან თუ არა დეპუტატს პარლამენტში, 20% ფიქრობს რომ კი, 57% აცხადებს, რომ არა, 23%–მა არ იცის;

გამოკითხულთა 70%–ს არ აქვს ინფორმაცია თუ როგორ უნდა დაუკავშირდეს მის მაჟორიტარ დეპუტატს პარლამენტში, 16% აცხადებს, რომ ამის შესახებ იცის, 14%–ის პასუხია არ ვიცი.

მოსაზრებას: პარლამენტი ითვალისწინებს თქვენნაირი ხალხის აზრს, დადებითი პასუხი 28%–მა გასცა, 61%–მა უპასუხა, რომ არა; 11%–მა არ იცის.

60% აცხადებს, რომ პარლამენტი რეგულარულად არ ეკონტაქტება მოქალაქეებს, 25 პროცენტი ამ მოსაზრებას არ ეთანხმება, 15%–მა არ იცის.
გამოკითხულთა 59% მიიჩნევს, რომ პარლამენტში შესვლა მოქალაქეებისთვის ადვილი არაა, 9 % ამ მოსაზრებას არ ეთანხმება, 31%–მა არ იცის.
შეკითხვაზე, 2012 წელის საპარლამენტო არჩევნების შემდეგ, პარლამენტი მუშობს უკეთესად, იგივენაირად თუ უარესად, 42%–მა უპასუხა, რომ იგივენაირად; 31%–მა განაცხადა, რომ უარესად; 14%– მა თქვა, რომ უკეთესად და 13%–მა არ იცის.

გამოკითხულთა 33% ფიქრობს, რომ წინა მოწვევის პარლამენტთან (2008–2012 წწ) შედარებით არსებული პარლამენტი ოპოზიციურ პარტიებს მეტად აძლევს საშუალებას გამოთქვან თავიანთი მოსაზრებები. 32% ფიქრობს, რომ ოპოზიციურ პარტიების აზრსი გამოთქმის საშუალება იგივენაირად აქვთ. 18% ფიქრობს, რომ ნაკლებად, 17%–მა კი არ იცის.

გამოკითხულთა 37% ფიქრობს, რომ წინა მოწვევის პარლამენტსა და (2008–2012 წწ) არსებულ პარლამენტს მოსახლეობასთან იგივენაირი კომუნიკაცია აქვს, ასევე 37% ფიქრობს, რომ კომუნიკაცია შედარებით ნაკლებია, 12% მიიჩნევს, რომ კომუნიკაცია ხალხთან წინა მოწვევის პარლამენტთან შედარებით, არსებულს უფრო მეტი აქვს. 14%–მა კი არ იცის.

გამოკითხულთა ყველაზე მეტი ნაწილი, 51 % ფიქრობს, რომ პარლამენტარების მხირდან, მათთან დასაკავშირებლად ყველაზე კარგი ფორმა საჯარო შეხვედრების გამართვაა; 15% პროცენტი აცხადებს, რომ საერთოდ არ სურს დეპუტატი დაუკავშირდეს, 13% მიიჩნევს, რომ დეპუტატი მოქალაქეს თავის სამუშაო ადგილზე უნდა შეხვდეს, 7% აცხადებს, რომ პარლამენტის წევრი მას სახლში უნდა ესტუმროს, 3% მიიჩნევს, რომ ტელეფონით უნდა დაუკავშირდეს, 2% აცხადებს, რომ წერილობით, ასევე 2% ამბობს, რომ ელექტრონული ფოსტით, 6%–მა არ იცის.

პარლამენტის შესახებ გამოკითხულთა უმრავლესობა, 86% ინფორმაციას ტელევიზიიდან იღებს, 11% ფეისბუქიდან, 10% მის ირგვლივ მყოფი ხალხისგან, 7% გაზეთებიდან, 3% ონლაინ საინფორმაციო სააგენტოებიდან, 2% რადიოდან, ასევე 2% იუთუბიდან, 1% პარლამენტის ვებგვერდიდან, 8% კი აცხადებს, რომ პარლამენტის შესახებ ინფორმაციას საერთოდ არ იღებს.

შეგახსენებთ, NDI-ს კვლევა დღეს, 13 აპრილს გამოქვეყნდა.

[თამუნა უჩიძე, ახალციხე]