ბორჯომის საარჩევნო ოლქში ერთი საჩივარი შევიდა და ისიც არ დაკმაყოფილდა

ბორჯომში ერთადერთი საჩივარი სადამკვირვებლო ორგანიზაცია "სამართლიანი არჩევნებისა და დემოკრატიის საერთაშორისო საზოგადოების" მიერ დაიწერა.

საჩივარი, რომელშიც ხმის მიცემის ფარულობის დარღვევაზეა საუბარი საოლქო კომისიამ არ დააკმაყოფილა.

მომჩივნის განმარტებით, კაბინიდან გამოსულ ამომრჩეველს ქართული ოცნების წარმომადგენელი საჯაროდ უმოწმებდა, თუ რომელი კანდიდატი შემოხაზა ბიულეტენში.

„კომისიის თავმჯდომარემ რეაგირება ადგილზე დროულად მოახდინა, რის შემდეგაც მსგავსი ფაქტი აღარ დაფიქსირებულა და პრეტენზიაც აღარავის აღარ ჰქონია“, – განაცხადა საოლქო კომისიის თავმჯდომარემ ლევან დევიძემ.

საჩივრის განხილვა დღეს, 17:00 საათზე დაიწყო და 20 წუთი გრძელდებოდა. განხილვას საჩივრის ავტორი არ დასწრებია.

[ავთო ინასარიძე, ახალციხე]