ბორჯომის საოლქო კომისიამ 11 საჩივარი განიხილა

ბორჯომის საოლქო კომისიაში განხილული საჩივრებიდან მხოლოდ ორი დაკმაყოფილდა. აღნიშნული საჩივარები N19 საარჩევნო უბანზე დარღვევის ერთ ფაქტს ეხება. ერთი და იგივე ფატქზე საჩივარი ორმა ორგანიზაციამ „სამართლიანმა არჩევნებმა“ და „საიას“ დამკვირვებლებმა დაწერეს.

„რეგისტრატორების მიერ ადგილი ჰქონდა თავისი მოვალეობის არაჯეროვან შესრულებას, როზა ჩაჩანიძის მიერ გაცემული ბიულეტენების რაოდენობა ორით მეტი იყო ამომრჩეველთა ხელმოწერების რაოდენობაზე“, – ნათქვამია საჩივარში.

არასამთავრობო ორგანიზაციის დამკვირვებლები დისციპლინური პასუხისმგებლობის დაკისრებას ითხოვდნენ, რაც ბორჯომის საოლქო საარჩევნო კომისიამ დააკმაყოფილა. აღნიშნული უბნის კომისიის წევრებს როზა ჩაჩანიძისა და თამარ გოგეშვილის მიმართ მათ მიერ დისციპლინარული პასუხისმგებლობის ზომად შენიშვნა განისაზღვრა.

ბორჯომის საოლქო საარჩევნო კომისიის თავმჯდომარის ლევან დევიძის განცხადებით, არჩევნების მეორე ტურზე შემაჯამებელ ოქმებთან და ხმის დათვლის პროცედურასთან დაკავშირებით განცხადება|საჩივარი არ დაწერილა.

„ყველა განცხადება| საჩივარი იყო კომისიის წევრების მხრიდან შესაძლო დიციპლინარულ გადაცდომასთან დაკავშირებით, რომლებიც ეხებოდა ხმის მიცემის პროცედურებს. არცერთი საჩივარი იყო ისეთი რომლის შედეგსაც შესაძლოა გავლენა მოეხდინა არჩევნების შედეგებზე“, – განაცხადა ლევან დევიძემ.

[თინათინ ზაზაძე ბორჯომი]