ბორჯომის საოლქო საარჩევნო კომისიაში 10 საჩივარი შევიდა

N36 ბორჯომის საოლქო საარჩევნო კომისიაში საჩივარი გუშინ, 24 ოქტომბერს საღამოს შევიდა.

„ეჭვი გვაქვს, რომ ჩვენი მიულეტენები არის შერეული სხვა პარტიის ბიულეტენებში. როგორც მითხრეს თბილისშიც მსგავსი ფაქტები ყოფილა და გადაწყდა შეგვეტანა საჩივარი“, – განაცხადა სატელეფონო საუბარში „გაერთიანებული დემოკრატიული მოძრაობის“ წარმომადგენელმა ლანა სხულანძემ.

ბორჯომის საოლქო საარჩევნო კომისიაში აცახდებენ, რომ საჩივრებს სავარაუდოდ დღეს განიხილავენ.

„თუ ხმის დათვლის პროცესში არაფერი არ გამოვლენილა, განცხადება– საჩივარი არ დაწერილა, მხოლოდ დაუსაბუთებელი ეჭვის საფუძველზე გადაწყვეტილებები არ მიიღება. პროცედურულდ შევისწავლით და შესაბამის სამართლებრივ გადაწყვეტილებას მივიღებთ", – ამბობს N36 ბორჯომის საოლქო საარჩევნო კომისიის თავმჯდომარე ლევან დევიძე.

შეგახსენებთ, რომ ბორჯომის საოლქო საარჩევნო კომისიაში საჩივარი დაწერა „სამართლიანი არჩევნების“ წარმომადგენელმაც. კომისიამ საჩივრის განუხილველად დატოვების გადაწყვეტილება მიიღო.

[sknews.ge]