ამომრჩევლის ბარათები მხოლოდ 30 უბნის ამომრჩევლებისთვის დარიგდება (R)

ცესკოს განცხადებით, ამომრჩევლები ხმას აძლევენ იმ საარჩევნო უბანზე, რომელიც 28 ოქტომბრის არჩევნების პირველი ტურისთვის გაიხსნა და სადაც მათ კენჭისყრაში მონაწილეობა მიიღეს. შესაბამისად, მათ ამომრჩევლის ბარათები აღარ დაურიგდებათ.

აღსანიშნავია, რომ მეორე ტურისთვის 30 საარჩევნო უბანზე შეიცვალა უბნის მისამართი და უბანი სხვა ახლომდებარე შენობაში განთავსდა. შესაბამისად, ამ საარჩევნო უბნების საზღვრებში რეგისტრირებული ამომრჩევლების ინფორმირების უზრუნველსაყოფად, მათთვის დარიგდება ამომრჩევლის საინფორმაციო ბარათები, სადაც მითითებული იქნება საარჩევნო უბნის ახალი მისამართი.

შეგახსენებთ, რომ მოქალაქეებს ასევე აქვთ შესაძლებლობა საკუთარი მონაცემები და საარჩევნო უბნების მისამართები გადაამოწმონ ცესკოს ვებგვერდის (voters.cec.gov.ge), მობილური ტელეფონის, პლანშეტისა და სწრაფი გადახდის აპარატების მეშვეობით.