საარჩევნო უბნებში ამომრჩეველთა სია გამოიკვრება

დღეიდან ამომრჩევლებს შესაძლებლობა აქვთ არიან თუ არა საარჩევნო სიაში, საარჩევნო უბანში გადაამოწმონ.

ამომრჩევლებს თავის გადამოწმება რამდენიმე გზით შეუძლიათ:

✔ ნებისმიერ მოქალაქეს საკუთარი და ოჯახის წევრების მონაცემების გადამოწმება შეუძლია ვებ-გვერდზე -voters.cec.gov.ge, ”ანდროიდის” სისტემაზე მორგებული მობილური ტელეფონის ან და პლანშეტის გამოყენებით.

✔ მოქალაქეებს სიაში თავის გადამოწმება შეუძლიათ საარჩევნო უბნებზე;

✔ გადამოწმება შესაძლებელია სწრაფი გადახდის ტერმინალის საშუალებით.

ცესკოს ცნობით, სიაში მონაცემების გადამოწმებისას, მომხმარებელი ასევე მიიღებს ინფორმაციას საარჩევნო უბნის ადგილმდებარეობის შესახებ.

დღეიდან ამომრჩევლებისთვის საარჩევნო ბარათების დარიგებაც იწყება. ცესკოს ცნობით, ბარათის მეშვეობით ამომრჩეველს შესაძლებლობა ექნება გადაამოწმოს საარჩევნო სიებში მის შესახებ არსებული ინფორმაცია.

„იმ შემთხვევაში, თუ 18 სექტემბრის ჩათვლით ამომრჩეველი არ მიიღებს აღნიშნულ ბარათს, ან აღმოაჩენს უზუსტობას მონაცემებში, ამომრჩეველს შეუძლია 22 სექტემბრის 18:00 საათამდე წერილობით მიმართოს საუბნო საარჩევნო კომისიას ან/და იუსტიციის სამინისტროს სახელმწიფო სერვისების განვითარების სააგენტოს შესაბამის ტერიტორიულ სამსახურს“,-აღნიშნა ცესკოს სპიკერმა ანა მიქელაძემ ცესკოში გამართულ საინფორმაციო ბრიფინგზე.

[sknews.ge]