კატასტროფის ცენტრის მანქანა, რომელსაც პაციენტი გადაჰყავდა, ავარიაში მოყვა

შემთხვევა, დღეს, 22 ნოემბერს, დაახლოებით, 17:30 საათზე მოხდა. ადიგენიდან თბილისის მიმართულებით მიმავალი მანქანა ქალაქის გასასვლელში, „გალფის“ ბენზინგასამართ სადგურთან ახლოს, საპირისპირო მიმართულებით მოძრავ „მერსედესს“ შეეჯახა.

თვითმხილველების თქმით, მიზეზი მანქანების გადაჭარბებული სიჩქარე იყო, რის გამოც „მერსედესის“ მძღოლმა საჭე ვეღარ დაიმორჩილა.

კატასტროფის მანქანაში მყოფი პაციენტის თბილისში გადასაყვანად შემთხვევის ადგილზე მეორე მანქანა მივიდა. დაშავებული ექიმი კი ამბობს, რომ შეჯახების დროს მხოლოდ შუბლი დაარტყა და საკუთარ თავს პირველადი დახმარება თავად აღმოუჩინა.

შინაგან საქმეთა სამინისტროში ამბობენ, რომ მომხდარის შესწავლა ადმინისტრაციული წესით დაიწყეს და სამართალდამრღვევი მძღოლი დაჯარიმდება.







[sknews.ge]