ახალციხეში სასწრაფოს მანქანა ავარიაში მოყვა

ავტოსაგზაო შემთხვევა დაახლოებით 17:25 საათზე, თამარაშვილის ქუჩაზე მოხდა. გამოძახებაზე გასულ სასწრაფო სამედიცინო დახმარების მანქანას უკნიდან „ბე–ემ–ვე“–ს მარკის ავტომანქანა შეეჯახა. შეჯახების შედეგად არავინ დაშავებულა.

„მივდიოდით პაციენტთან და უკნიდან დაგვარტყეს. დავერკეთ 112–ზე და პაციენტთან სხვა ბრიგადა გაიგზავნა“, – ამბობს ახალციხის სასწრაფო სამედინიცო დახმარების ექთანი მარინა კაკაჩიშვილი.

შემთხვევის ადგილზე მობილიზებულია საპატრულო პოლიცია.

“ჩვენ დავრეკეთ სამსახურში და სამსახურმა გამოიძახა პოლიცია“, – ამბობს სასწრაფო სამედიცინო დახმარების ექიმი დავით ჯინჭველაძე.
„სამხრეთის კარიბჭესთან“ კომენტარის გაკეთება არ ისურვეს „ბე–ემ–ვე“–ს მარკის ავტომობილის მგზავრებმა.

შინაგან საქმეთა სამინისტროში განმარტავენ, რომ დამნაშავე მძღოლი ადმინისტრაციულ სამართალდარღვევათა კოდექსით დაჯარიმდება.



[თინათინ ზაზაძე, ახალციხე]