ანონსი: პოლიციელების პოლიტიკური ანგარიშსწორება თუ ნათესაური კონფლიქტის შედეგი

პოლიციელების ჩაშლილი გეგმა, რომელიც მათ საპირისპიროდ შემობრუნდა თუ ორი ოჯახის 20-წლიანი დავის შედეგი; რატომ ჩაუდეს ადიგენის მუნიციპალიტეტის ერთ-ერთ სოფელში მცხოვრებ ოთარ ბერიძეს იარაღი; ამ თემაზე, ორშაბათს sknews.ge სპეციალურ რეპორტაჟსაც შემოგთავაზებთ.

ასევე, ნომერშია:
განათლება: ბაღის ყოფილი თანამშრომელი დირექტორს უჩივის - ახალციხის პირველი ბაგა-ბაღის ყოფილი თანამშრომელი, სკოლამდელი აღზრდის დაწესებულებათა გაერთიანების ხელმძღვანელს დეკრეტული შვებულების პირობების დარღვევაში ადანაშაულებს. თეა კუჭაძე ირწმუნება, რომ საკუთარი სიმართლის დასამტკიცებლად პრემიერ მინისტრამდე ჩავა.

პოლიტიკა: აქცია სამართლიანობის აღდგენის მოთხოვნით - 13 ივლისს, „ქართული ოცნების“ აქტივისტებმა, სამართლიანობის აღდგენის მოთხოვნით ახალქალაქში აქცია გამართეს. მათი განმარტებით, ეს იყო ერთგვარი აქცა-გაფრთხილებაც საკრებულოს დეპუტატებისთვის, რომელთაც მუნიციპალიტეტის გამგებელი უნდა აირჩიონ.

სოფელი: ადიგენში კაკლის ხეებს ფოთლის მავნებელი გაუჩნდა - ადიგენის მუნიციპალიტეტის სოფლებში კაკლის უხვ მოსავალს აღარ ელოდებიან, რადგან კაკლის ხეებს ფოთლის მავნებელი გაუჩნდა. სპეციალისტები გლეხებს ხეების შეწამვლას ურჩევენ.

თვითმმართველობა: რას ცვლიან ადგილობრივ თვითმმართველობებში - ცვლილება ორგანულ კანონში, რომელმაც ადგილობრივ თვითმმართველობებში შტატებისა და შრომითი ანაზღაურების რაოდენობა უნდა განსაზღვროს; რატომ იცვლება „ადგილობრივი თვითმმართველობის შესახებ“ კანონი და რის მიხედვით დაკომპლექტდება კადრები;

რეპორტაჟი: მნათე, ვეტერინარი, მეწყაროვე და მოყვარული არქეოლოგი - „სოფელს ყოველ დილით წყალს ვაწვდი, ტაძარს ვუვლი, ცუდად მყოფ ცხოველებს შეძლებისდაგვარად ვმკურნალობ, რამ უნდა მომანიჭოს ამაზე დიდი სიამოვნება?!- ამ სიტყვებს ავტორს სოფელში ყველა იცნობს. რუბრიკის სტუმარი აწყურელი თამაზ მარტინენკოა.