2013 წლის TOP ათი ვიდეო - ‘სამხრეთის კარიბჭე’

1. ოჯახის ნათლიას ბავშვის გაუპატიურებაში ადანაშაულებენ - 16 წლის გოგონა, ოჯახის ნათლიას, ამავე სოფელში, მცხოვრებ 44 წლის მამაკაცს, გაუპატიურებაში ადანაშაულებს.

2. 'ნაგავში ცხოვრობდით' - პრეზიდენტი ახალციხელებს - "ნაგავში იყო აქაურობა! ნაგავში ცხოვრობდით? ნაგავში ყოფნა გერჩივნათ?!" - რამ გააღიზიანა ახალციხეში სასტუმრო „ლომსიადან" გამოსული პრეზიდენტი მიხეილ სააკაშვილი და რატომ ახსენა მან კიდევ ერთხელ ჭელის მინარეთი?

3. მინარეთის დემონტაჟი ჭელაში - 'უღმერთო კომუნისტები რომ აკეთებდნენ, იმაზე მაგარი გააკეთეს დღეს', - ამბობს სოფელ ჭელის მცხოვრები ფრიდონ აბაშიძე. ადგილობრივები ამბობენ, რომ ამ საქმეში ხელისუფლების ხელი ურევია.

4. შევარცხვინე ანაფორაში გახვეული მღვდლები რომ არიან - სოფელ ჭელაში შეკრებილი მოსახლეობა მინარეთის დემონტაჟის ფაქტს შინაგან საქმეთა მინისტრს და მართლმადიდებელ მღვდლებს აბრალებენ. ქართველ მუსლიმ ფრიდონ აბაშიძეს იუსტიციის მინისტრის განცხადება შეურაცხყოფად მიაჩნია.

5. აქამდე უცნობი კადრები ჭელადან - რა ხდებოდა სოფელ ჭელაში მინარეთის დემონტაჟისას. ვიდეომასალა, რომელიც "სამხრეთის კარიბჭეს" ადგილობრივებმა მიაწოდეს.

6. მეუფეების თეოდორეს და იაკობის მიმართვა აქციის მონაწილეებს - მეუფე თეოდორემ და პატრიარქის ქორეპისკოპოსმა მეუფე იაკობმა აქციის მონაწილეებს დაშლის მოთხოვნით მიმართეს.

7. თანასოფლელები მერაბიშვილის მხარდასაჭერად - "უდანაშაულო კაცი დაჭერილია, როგორც იესოს არანაირი დანაშაული არ ჰქონდა და დასაჯეს, ისე დაიჭირეს ვანო მერაბიშვილი უდანაშაულოდ. აბსოლუტურად არანაირი დანაშაული არ მიუძღვის ვანოს, პირიქით ყველაფერი კარგი გააკეთა",- ამბობენ სოფელ უდეს მცხოვრებელები ვანო მერაბიშვილის შესახებ.

8. რომან იაკობაძე პოლიციელებს ზეწოლაში ადანაშაულებს - ყოფილი პატიმარი ადიგენის რაიონული სამმართველოს თანამშრომლებს ადანაშაულებს, რომ მას აიძულებდნენ ნათესავისთვის იარაღი ჩაედო. პოლიციელების ჩაშლილი გეგმა, რომელიც მათ საპირისპიროდ შემობრუნდა თუ ორი ოჯახის 20-წლიანი დავის შედეგი; რატომ ჩაუდეს ადიგენის მუნიციპალიტეტის სოფელ დერცელში მცხოვრებ ოთარ ბერიძეს იარაღი;

9. ნომინალური ბარათების განაღდება აქტიურად მიმდინარეობს - სასოფლო-სამეურნეო მაღაზიებში რიგები დგას, ყველა ცდილობს საჭირო ინვენტარი და პროდუქცია დროულად შეიძინოს.

10. აქცია სამმართველოსთან - 26 აგვისტოს, შუადღეს, სამცხე-ჯავახეთის სამხარეო სამმართველოს ეზოში, ადიგენიდან ჩამოსულ მუსლიმებსა და პოლიციის თანამშრომლებს შორის დაპირისპირება მოხდა.

[ნინო ნარიმანიშვილი, ახალციხე]