13 ივლისს ახალქალაქში “ოცნების“ აქცია გაიმართება

აქციის შესახებ აქტივისტები ისევ ფეისბუქის გვერდით აანონსებენ. აქტივისტები ამბობენ, რომ მშვიდობიანი აქციის მიზანი ახალქალაქში სამართლიანობის აღდგენაა.

„პრობლემები უნდა გადავჭრათ მხოლოდ ჩვენ, ახალქალაქში მცხოვრებლებმა და არავინ ჩვენს გარდა“, - ნათქვამია აქტივისტების მიერ გავრცელებულ განცხადებაში.

შეგახსენებთ, „ქართული ოცნების“ ახალქალაქელი აქტივისტები აქციის გამართვას 3 ივლისს გეგმავდნენ. თუმცა, აქცია არ შედგა. აქტივისტები ამბობენ, რომ ახალქალაქში სამართლიანობის აღდგენის ნიშნები არ ჩანს. მათ უკმაყოფილებას ის ვარაუდი იწვევს, რომ შესაძლოა ახალქალაქის მუნიციპალიტეტის გამგებელი მათი ჩარევის გარეშე დაინიშნოს.

შეგახსენებთ, 24 ივნისს, ახალქალაქის მუნიციპალიტეტის ყოფილმა გამგებელმა ნაირი ირიციანმა გადადგომის შესახებ დაწერა განცხადება. გამგებლის პოსტი ჯერ ვაკანტურია.



[აღუნიკ აივაზიანი, ახალქალაქი]