პრეზიდენტობის 21 კანდიდატს რეგისტრაციაზე უარი ეთქვა

არჩევნებში პრეზიდენტობის კანდიდატად რეგისტრაციის მოთხოვნით ცესკოს თავმჯდომარის სახელზე სულ 46 განაცხადი იყო წარდგენილი, მათ შორის 20 პოლიტიკური პარტიის, ხოლო 26 საინიციატივო ჯგუფის მიერ.

ერთ საინიციატივო ჯგუფს, რომელმაც საარჩევნო დოკუმენტაციაში არსებული ხარვეზი არ შეასწორა და ერთ პოლიტიკურ პარტიას, რომელიც არ იყო რეგისტრირებული საქართველოს იუსტიციის სამინისტროს მიერ, უარი ეთქვათ არჩევნებში მონაწილეობასა და კანდიდატის წარდგენაზე.

მხარდამჭერთა სია წარმოადგინა 25-მა საარჩევნო სუბიექტმა, მათ შორის 19-მა პოლიტიკურმა პარტიამ და 6-მა საინიციატივო ჯგუფმა.

19 საინიციატივო ჯგუფს არ წარმოუდგენია მხარდამჭერთა სია; კანონმდებლობის შესაბამისად, მათ მიერ წარდგენილ კანდიდატებს უარი ეთქვათ რეგისტრაციაზე და შემდგომ გაუქმდა საინიციატივო ჯგუფის რეგისტრაციაც.

ამჟამად ცესკოში 6 სუბიექტის სარეგისტრაციო პროცედურები ხორციელდება.

ცესკოს თავმჯდომარის მიერ პრეზიდენტობის კანდიდატთა რეგისტრაციის ბოლო ვადა 28 სექტემბერია.

[sknews.ge]