არჩევნებში მონაწილეობის სურვილი 46–მა კანდიდატმა გამოთქვა

საინიციატივო ჯგუფების და პოლიტიკური პარტიების მიერ პრეზიდენტობის კანდიდატის ცესკოში რეგისტრაციის ვადა, 8 სექტემბერს, საღამოს 18:00 საათზე ამოიწურა. დარეგისტრირებულმა 46–მა კანდიდატმა მხარდამჭერთა ხელმოწერები ცესკოში18 სექტემბრამდე უნდა მიიტანოს. ხემოწერების რიცხვი 25 923-ზე ნაკლები არ უნდა იყოს.

"ცესკოს საარჩევნო სუბიექტობის 46-მა მსურველმა მომართა. მათგან 26 წარმოდგენილია საინიციატივო ჯგუფის მიერ, ხოლო დანარჩენი 20 წარადგინა პოლიტიკურმა პარტიებმა. კანონმდებლობის თანახმად, ცენტრალურ საარჩევნო კომისიაში მხარდამჭერ ამომრჩევლთა ხელმოწერები წარმოდგენილი უნდა იყოს არჩევნებამდე არაუგვიანეს მე-40 დღისა, რაც არის 18 სექტემბერი. წარმოდგენილ ხელმოწერებს საარჩევნო ადმინისტრაციის შესაბამისი სამსახური შეამოწმებს. იმ შემთხვევაში, თუკი ხარვეზი იქნება დადგენილი, მის გამოსასწორებლად შესაბამის საინიციატივო ჯგუფსა და პარტიას აქვს ორდღიანი ვადა. ამის შემდეგ საარჩევნო ადმინისტრაციის შესაბამისი სამსახური ისევ შეამოწმებს წარმოდგენილ ხელმოწერებს. კანდიდატების რეგისტრაციის ბოლო ვადა არის 28 სექტემბერი", - განაცხადა ანა მიქელაძემ.

[sknews.ge]