საჯარო სივრცეში, შესაძლოა, ჩადრით, ნიქაბით და ბურკით სიარული აიკრძალოს

ამის შესახებ "ნეტგაზეთი" წერს.

კანონპროექტის ინიციატორი “პატრიოტთა ალიანსის” წევრი ემზარ კვიციანია. როგორც „ნეტგაზეთის“ ჟურნალისტს კვიციანმა განუცხადა, პარლამენტს საკანონმდებლო ინიციატივით მან სამშაბთს, 4 სექტემბერს მიმართა.

პარლამენტის ბიუროს კანონპროექტი ჯერ არ განუხილავს. თუ კანონპროექტი 51 დეპუტატის მხარდაჭერას მოიპოვებს და პარლამენტი დაამტკიცებს, საზოგადოებრივ ტრანსპორტში, პარკებში და სხვა საჯარო ადგილებში ჩადრით, ნიქაბით და ბურკით გამოჩენა ადმინისტრაციულ სამართალდაღვევათა კოდექსის მიხედვით, თავდაპირველად 500 ლარით, განმეორებით შემთხვევაში კი 1 500 ლარით დაჯარიმებას გამოიწვევს.

საკანონმდებლო ინიციატივით, აკრძალვა არ გავრცელდება საქართველოში აკრედიტირებული დიპლომატიური კორპუსის თანამშრომლებზე.

კანონპროექტი პარლამენტში დეპუტატმა ემზარ კვიციანმა შეიტანა, თუმცა მისი ავტორი, როგორც თავად წერს, ზვიად ტომარაძეა.

[sknews. ge]