კანონპროექტი: დახურულ საჯარო სივრცეში პირბადის გარეშე გადაადგილებისთვის 50 ლარით დაჯარიმდებით

კანონპროექტის თანახმად, დახურულ საჯარო სივრცეში თავშეყრისას პირბადის ტარების წესის დარღვევა ან პირბადის არმქონე პირის დახურულ საჯარო სივრცეში დაშვება გამოიწვევს ფიზიკური პირის დაჯარიმებას 50 ლარით, ხოლო დახურული საჯარო სივრცის მფლობელი იურიდიული პირის − 500 ლარით.

2. იმავე წესით განსაზღვრული საზოგადოებრივი ტრანსპორტით, მეტროპოლიტენით გადაადგილებისას პირბადის ტარების წესის დარღვევა გამოიწვევს მგზავრის ან/და მძღოლის დაჯარიმებას 50 ლარით.

3. იმავე წესით განსაზღვრული ტაქსით (M1 კატეგორია) გადაადგილებისას პირბადის ტარების წესის დარღვევა ან 4-ზე მეტი პირის (მძღოლის ჩათვლით) ტაქსით გადაადგილება გამოიწვევს მგზავრის ან/და მძღოლის დაჯარიმებას 50 ლარით, ხოლო ტაქსით 4-ზე მეტი პირის გადაადგილების გამო მგზავრებისა და მძღოლის დაჯარიმებას 50 ლარით.

4. „საზოგადოებრივი ჯანმრთელობის შესახებ“ საქართველოს კანონით გათვალისწინებულ საკითხებთან დაკავშირებით დადგენილი იზოლაციის ან/და კარანტინის წესის დარღვევა (გარდა ამ მუხლის პირველი-მე-3 ნაწილებით გათვალისწინებული დარღვევებისა) გამოიწვევს ფიზიკური პირის დაჯარიმებას 2 000 ლარით, ხოლო იურიდიული პირისა − 10 000 ლარით.

კანონპროექტის დაჩქარებული წესით შემუშავება იურიდიულ საკითხთა კომიტეტს, პარლამენტის თავმჯდომარემ, არჩილ თალაკვაძემ დაავალა. 1–ლი ივნისის ბიუროს სხდომაზე მან აღნიშნა რომ სანქციების მიზანი შემოღებული შეზღუდვების ეფექტიანად აღსრულებაა.

ინფორმაციას imedinews.ge ავრცელებს.