ახალციხის საკრებულოს ახალი დეპუტატი ჰყავს

აღნიშნული საკითხი ახალციხის საკრებულომ ცნობად დღეს, 7 სექტემბერს, მიიღო. სხდომას ტატალაშვილი არ ესწრებოდა.

„ტრენინგზეა წასული საკრებულოს სხვა წევრებთან ერთად და ამიტომ არ არის სხდომაზე“, – განაცხადა საკრებულოს თავმჯდომარემ გელა ნოზაძემ.

მისივე თქმით, პარტია „ევროპულ საქართველოს“ ფრაქციის ხელახლა შექმნაზე საკრებულოში განცხადება არ შეუტანია: „როგორც ვიცი, ორშაბათს მოგვამრთავენ“.

ეკა ტატალაშვილი 2000–2017 წლებში ახალციხის მუნიციპალიტეტის მერიასა და საკრებულოში სხვადასხვა პოზიცაიზე მუშაობდა.

ახალციხის მუნიციპალიტეტის საკრებულომ უკვე ყოფილ დეპუტატს გელა დემეტრაძეს ვადამდე ადრე უფლებამოსილება შეუწყვიტა. მიზეზი ავარიის გამო სასამართლოს გამამტყუნებელი განაჩენია. საქმე ეხება 15 აპრილს ახალციხე–აბასთუმნის გზაზე მომხდარ ავარიას, რომლის შედეგადაც სამი პირი დაშავდა და ერთი გარდაიცვალა.

დემეტრაძეს სამი წლით პირობითი მსჯავრი შეეფარდა და 5 000 ლარიანი ჯარიმა დაეკისრა. ასევე, ერთი წლით ავტომანქანის მართვა აეკრძალა. სასამართლომ გადაწყვეტილება მიმდინარე წლის 20 ივლისს მიიღო.

[ლუბა გიორგაძე, ახალციხე]