ბაკურიანში ინფრასტრუქტურის მოსაწესრიგებლად 6 მლნ ლარზე მეტი დაიხარჯება

მუნიციპალური განვითარების ფონდმა ბორჯომის მუნიციპალიტეტში ინფრასტრუქტურის მოსაწობად ელექტრონული ტენდერი 30 აგვისტოს გამოაცხადა. წინადადებების მიღება 16 სექტემბრიდან დაიწყება.

მიტარბში სამშენებლო სამუშაოებისთვის 5 362 458 ლარია განსაზღვრული, ხოლო ბაკურიანში ბილიკის მოწყობისთვის 758 321 ლარი.
შეგახსენებთ, რომ საქართველოს პრემიერ–მინისტრმა 29 აგვისტოს გამართულ მთავრობის სხდომაზე საზაფხულო და ზამთრის კურორტების მოუმზადებლობის შესახებ ისაუბრა. მამუკა ბახტაძემ უკმაყოფილება დაბა ბაკურიანის შესახებაც გამოთქვა.

"ჩვენ არ ვართ კმაყოფილი იმ მზადყოფნით, რაც გვქონდა კურორტებზე ზაფხულში და, ამასთან ერთად, არ ვართ კმაყოფილი ბაკურიანის და გუდაურის მომზადების დონით, რომელიც ვიხილეთ ზამთარში. ყველას კარგად გვესმის და გვახარებს, რომ ტურისტების რაოდენობა მკვეთრად იზრდება, მაგრამ ეს არ არის არგუმენტი იმისთვის, რომ კურორტები არ იყოს მზად ამ ნაკადის მისაღებად", – განაცხადა პრემიერ–მინისტრმა.

[თინათინ ზაზაძე, ბორჯომი]