ბაკურიანში ავარიით დაშავებული კაცის მდგომარეობა მძიმეა

დაშავებული სამედიცინო ცენტრ „გორმედის“ რეანიმაციაშია. როგორც ექიმები სატელეფონო საუბარში „სამხრეთის კარიბჭესთან“ ამბობენ, მისი მდგომარეობა მძიმეა.

„აპარატზეა შეერთებული. წნევაც არასტაბილურია. თავის ტრავმაც აქვს. ბარძაყის ძვალი ღიად მოტეხილია, მსხვრევადია, ამიტომ ბარძაყის ოპერაცია იგეგმება“, – ამბობს „გორმედის“ რეანიმატოლოგი ინგა ელბაქიძე.

ავტოსაგზაო შემთხვევა 28 აგვისტოს, ბაკურინაში, აღმაშენებლის ქუჩაზე მოხდა. მოტოციკლეტი „ტოიოტას“ მარკის ავტომანქანას შეეჯახა, რის შედეგადაც მოტოციკლეტის მძღოლი მძიმედ დაშავდა.

[მარიამ ბარძიმაძე, ბორჯომი]