ფარეხის გზაზე ავარიისას დაშავებული ქალის მდგომარეობა მძიმეა

„ოპერაცია ჩაუტარდა, ძალიან ბევრი ნეკნი აქვს მოტეხილი, ამიტომ მდგომარეობა მძიმეა. ჯერ რამდენიმე დღე დავაკვირდებით, ძალიან კრიტიკული დღეებია და წინასწარ ვერაფერს ვიტყვით“,- გვითხრეს ღუდუშაურის კლინიკის ადმინისტრაციაში.

ახალციხე-ადიგენის დამაკავშირებელ გზაზე ავტოსაგზაო შემთხვევა გუშინ, 28 ოქტომბერს 17:20 საათზე მოხდა.

ავარიის შედეგად და-ძმა ადგილზე გარდაიცვალა, დედა კი მძიმედ დაშავდა.

დაშავებული და გარდაცვლილები კურორტ აბასთუმნიდან არიან.

შინაგან საქმეთა სამინისტრომ ძიება სსკ-ს 276-ე მუხლის მერვე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.

[ლუბა გიორგაძე, ადიგენი]