ბაკურიანში 29 წლის კაცი მოტოციკლით მანქანას შეეჯახა

ავტოსაგზაო შემთხვევა აღმაშენებლის ქუჩაზე მოხდა. მოტოციკლი „ტოიოტას“ მარკის ავტომობილს მოსახვევში შეეჯახა. დაშავებული ბორჯომის რეფერალურ ჰოსპიტალში გადაიყვანეს. საავადმყოფოში აცხადებენ, რომ 29 წლის კაცის მდგომარეობა მძიმე იყო და ამიტომ იგი სამედიცინო ცენტრ „გორმედში“ წაიყვანეს.

„რეანიმაციაში ჰყავთ, ჩვენ მისი ჯანმრთელობის მდგომარეობის შესახებ ვერაფერს გეტყვით“, – გვითხრეს „გორმედის“ მიმღებში, რეანიმაციაში კი „სამხრეთის კარიბჭის“ სატელეფონო ზარებს არ უპასუხეს.

შინაგან საქმეთა სამინისტრომ გამოძიება სისხლის სამართლის კოდექსის 276–ე მუხლის პირველი ნაწილით დაიწყო, რაც ავტოსაგზაო მოძრაობის წესების დარღვევას გულისხმობს.

[მარიამ ბარძიმაძე, ბორჯომი]