ახალციხის ტბაზე მსურველებს თევზაობა შეუძლიათ

ხელოვნურ ტბაზე თევზაობა ყოველდღე, 10:00–დან 21:00 საათამდეა შესაძლებელი.

როგორც ააიპ "ახალციხის მუნიციპალიტეტის წყალმომარაგებისა და წყალანირების" წამყვანი სპეციალისტი გრიგოლ ღავთაძე განმარტავს, ტბაში რამდენიმე სახეობის თევზია გაშვებული, იმ შემთხვევაში თუ მეთევზე „კობრის“ ჯიშის თევზს დაიჭერს 10 ლარის გადახდა მოუწევს.

„კობრის დაჭერა 10 ლარი ღირს, სხვა დანარჩენი თევზი 5 ლარი“, – ამბობს გრიგოლ ღავთაძე.

მისი თქმით, თევზაობა მხოლოდ სცენის მიმდებარე ტერიტორიასთანაა შესაძლებელი, დანარჩენ ადგილებში კი აკრძალულია.

ხელოვნურ ტბაზე თევზაობის ნებართვა ააიპ–ის ადმინიტრაციამ რამდენიმე დღის წინ გასცა და სეზონის ბოლომდე გაგრძელდება.



[ნანა ინასარიძე, ახალციხე]