სამცხე–ჯავახეთის ახალი გუბერნატორი მუშაობას ხვალიდან შეუდგება

ბესიკ ამირანაშვილს, რეგიონული სამსახურის უფროსი სოზარ სუბარი ჟურნალისტებს და თანამშრომლებს, სამხარეო ადმინისტრაციაში 10:00 საათზე წარუდგენს.

სამცხე–ჯავახეთის მხარის რწმუნებული ერთ–ერთია იმ შვიდ გუბერნატორს შორის, რომელიც საქართველოს პრემიერ–მინისტრმა მამუკა ბახტაძემ ოფიციალურად გუშინ, 20 აგვისტოს დაასახელა.

ბესიკ ამირანაშვილი სამცხე–ჯავახეთის გუბერნატორად დანიშვნამდე იმერეთის, რაჭა–ლეჩხუმისა და ქვემო სვანეთის პოლიციის დეპარტამენტის დირექტორი იყო. 2016–2017 წლებში კი შს მინისტრის პირველი მოადგილის პოზიცია ეკავა.

შეგახსენებთ, რომ პრემიერმა ხუთი რეგიონის - სამცხე - ჯავახეთის, შიდა ქართლის, მცხეთა - მთიანეთის, სამეგრელო- ზემო სვანეთის და ქვემო ქართლის გუბერნატორები თანამდებობებიდან 26 ივლისს გაათავისუფლა.

[ლუბა გიორგაძე, ახალციხე]